काठमाडौं– प्रदर्शनरत चलचित्र ‘महाजात्रा’का बाल कलाकार अर्बिन कार्की एसएईई परीक्षामा सहभागी भएका छन् । उनी आदर्श विद्या मन्दिरका विद्यार्थी हुन् ।
अर्बिनको अभिनय रहेको फिल्म ‘महाजात्रा’ चैत ९ बाट प्रदर्शनमा आएको हो । उनी फिल्ममा विपिन कार्की (फडिन्द्र) र वर्षा राउत (सम्पदा)को छोरा इमानको भूमिकामा देखिएका छन् ।
‘महाजात्रा’ टिमले अर्बिनसहित परीक्षामा सहभागी सम्पूर्ण टिमलाई शुभकामना दिएको छ ।बिहीबारबाट सुरु भएको एसईई परीक्षामा पाँच लाख चार हजार ४१४ विद्यार्थी सहभागी हुने राष्ट्रिय परीक्षा बाेर्डले जनाएको छ ।
