पाकिस्तान क्रिकेट बोर्डका अध्यक्ष मोहसिन नक्वीले टी–२० विश्वकप जिते प्रत्येक खेलाडीलाई १ लाख अमेरिकी डलर दिने घोषणा गरेका छन् ।
गद्दाफी स्टेडियममा खेलाडीसँग अभ्यास सेसनमा भेट गर्दै उक्त पुरस्कार रकम घोषणा गरेका हुन् । पाकिस्तान अब आयरल्यान्ड र इंग्ल्यान्ड भम्रण सकेर विश्वकप खेल्न अमेरिका पुग्ने छ ।
पाकिस्तान र आयरल्यान्डबीचको तीन टी–२० आई खेलको सिरिज १०, १२ र १४ मेमा हुनेछ ।
त्यसपछि इंग्ल्यान्ड र पाकिस्तानबीच चार टी–२० आई खेलको सिरिज २२, २५ र २८ र ३० मेमा हुनेछ ।
विश्वकपको समूह ए मा पाकिस्तान, अमेरिका, क्यानडा, भारत र आयरल्यान्ड छन् । ६ जुनमा पाकिस्तानले अमेरिकासँग खेल्दै सुरुवात गर्नेछ । भारतसँग ९ जुनमा न्यूयोर्कमा खेल्नेछ ।
