दुबई । पछिल्लो समय दुबईले आफूलाई गेमिङ उद्योगमा विश्वमै अग्रणी स्थानमा उभ्याउने लक्ष्य लिएको छ । यही लक्ष्य पूरा गर्न दुबईले गेमिङ भिसा लन्च गरेको छ ।
दुबई प्रोग्राम फर गेमिङ २०३३ अन्तर्गत दुबईले सो लक्ष्य लिएको छ । विश्वभरबाट खेलाडी र कन्टेन्ट क्रियटर तथा पेशाकर्मीहरूलाई दुबईमै आएर बस्न आकर्षित गर्न लामो अवधिसम्म बसोबासको अनुमति दिनेगरी सो भिसा कार्यक्रम सुरु गरिएको हो ।
दुबईलाई गेमिङ इनोभशनका लागि मुख्य हब बनाउनेतर्फ यो महत्त्वपूर्ण कदम भएको विश्लेषण गर्न लागिएको छ ।
