एजेन्सी । अयुब एल काबीले अतिरिक्त समयमा गर्को गोलमा फियोरेन्टिनालाई पराजित गर्दै ओलम्पियाकोसले युरोपा कन्फ्रेन्स लिगको उपाधि जितेको छ ।
एथेन्सस्थित एइके एरेनामा भएको खेलमा ग्रीग क्लब ओलम्पियाकोसले फियोरेन्टिनालाई १-० ले पराजित गर्दै च्याम्पियन बनेको हो ।
ओलम्पियाकोसलाई पहिलो पटक कन्फ्रेन्स लिगको उपाधि जिताउन काबीले ११६औं मिनेटमा निर्णायक गोल गरे ।
भिडियो असिस्टेन्स रेफ्रीले लामो समय चेक गरेपछि उक्त गोलले मान्यता पाएको थियो ।
योसँगै ओलम्पियाकोस युरोपियन प्रतियोगिता जित्ने पहिलो ग्रिक क्लबसमेत बनेको छ ।
