काठमाडौं । नेपाली महिला भलिबल टिमकी खेलाडी निरुता ठगुन्नाको बढुवा भएको छ ।
उनी सशस्त्र प्रहरी बल, नेपाल (एपीएफ) मा सिपाहीबाट सहायक हवल्दारको पोष्टमा बढुवा भएकी हुन् ।
काभा वुमन्स च्यालेन्ज कपमा उत्कृष्ट प्रदर्शन गरेपछि निरुताको बढुवा भएको हो ।
बढुवा भएकी ठगुन्नालाई सशस्त्र प्रहरी बल नेपाल खेलकुद तथा शारिरीक सुगठन शिक्षालयका समादेशक सशस्त्र प्रहरी बरिष्ठ उपरीक्षक रमेश कुमार पाण्डेले बुधबार दर्ज्यानी चिन्ह प्रदान गरे ।
२०७६ सालमा एपीएफमा लोकसेवामा नाम निकालेर निरुता सिपाही बनेकी थिइन् ।
