लण्डन । लिभरपुलले यो सिजन उत्कृष्ट सुरुवात जारी राख्दै सबै प्रतियोगितामा लगातार छैटौँ जित हात पारेको छ । शनिबार भएको प्रिमियर लिगको खेलमा लिभरपुलले क्रिस्टल प्यालेसलाई हराएको हो ।
खेलमा डिओगो जोटाले नवौँ मिनेटमा गरेको एक मात्र निर्णायक बन्यो । कोडी गाक्पोको पासलाई सदुपयोग गर्दै उनले टोलीलाई जित दिलाए ।
खेलको अन्त्यतिर गोलकिपर एलिसन भने घाइते हुँदै मैदान छाड्न बाध्य भए । ३२ वर्षीय ब्राजिलियन खेलाडीलाई ७९ औँ मिनेटमा ह्यामस्ट्रिङमा समस्या देखिएको थियो । प्रशिक्षक आर्ने स्लटका अनुसार उनी केही हप्ता मैदान बाहिर रहन सक्नेछन् ।
७ खेलपछि लिभरपुलको १८ अङ्क रहेको छ । क्रिस्टल प्यालेस भने मात्र ३ अङ्कसहित रेलिगेसन क्षेत्रमा रहेको छ ।
