एजेन्सी । साडियो मानेको दुई र क्रिस्टियानो रोनाल्डोको एक गोलको सहायताले साउदी प्रो-लिगमा अल नासरले जित निकालेको छ ।
शनिबार राति घरेलु मैदानमा भएको खेलमा नासरले अल ओरोवाहमाथि ३-० गोलको जित निकालेको हो ।
जितसँगै तेस्रो स्थानको नासरले ६ खेलमा १४ अंक जोडेको छ । पराजित ओरोवाह सात अंकसहित ११औं स्थानमा छ ।
गए राति खेलको १७औं मिनेटमा रोनाल्डोले गोल गर्दै नासरलाई सुरुआती अग्रता दिलाएका थिए । ३९ वर्षका रोनाल्डोले आफ्नो करिअरको ९०५ गोल गरेका हुन् ।
खेलको २९औं मिनेटमा गोल गर्दै नासरको अग्रता दोब्बर बनाएका मानेले ७१औं मिनेटमा अर्को एक गोल थपे ।
