काठमाडौँ । नेकपा (एमाले)ले काठमाडौँ महानगरपालिका वडा नम्बर १६ को अध्यक्षमा लक्ष्मीरत्न तुलाधरलाई उम्मेदवार बनाउने भएको छ ।
तुलाधरलाई उम्मेदवार बनाउन वडा, नगर र जिल्ला कमिटीबाट सिफारिस गरेको एमाले काठमाडौँका अध्यक्ष दीपक निरौलाले जानकारी दिए ।
२०७९ वैशाखमा भएको स्थानीय तह चुनावमा तुलाधर एमालेबाटै उम्मेदवार भएपनि कांग्रेस उम्मेदवार मुकुन्द रिजालसँग पराजित बनेका थिए । त्यसवेला रिजाल चार हजार १९ मतसहित विजयी हुँदा तुलाधरले तीन हजार तीन सय १० मत पाएका थिए ।
