काठमाडौँ । चीन भ्रमणमा रहेका प्रधानमन्त्री केपी शर्मा ओलीले चिनियाँ कम्युनिस्ट पार्टीको सङ्ग्रहालय अवलोकन गरेका छन् । बुधबार प्रधानमन्त्री ओलीले चिनियाँ कम्युनिस्ट पार्टीको सङ्ग्रहालय अवलोकन गरेका हुन् ।
चीनका प्रधानमन्त्री ली छ्याङको मैत्रीपूर्ण निमन्त्रणामा प्रधानमन्त्री ओली चीनको औपचारिक भ्रमणमा रहेका छन् ।
प्रधानमन्त्री ओलीको भ्रमणका क्रममा नेपाल र चीनबिच ‘बेल्ट एण्ड रोड’ इनिसिएटिभ (बीआरआई) सहकार्यको फ्रेमवर्कसहित विभिन्न क्षेत्रमा सहकार्यको सम्झौता भएको थियो ।
सोमबार चीन भ्रमणमा गएका प्रधानमन्त्री ओली बिहीबार स्वदेश फर्किने कार्यक्रम रहेको छ ।
