काठमाडौं । महिला यू-१९ एसिया कपको सुपर फोर अन्तर्गत नेपाल र श्रीलङ्काबीचको खेल वर्षाका कारण रद्द भएको छ ।
दुबै टिमले अङ्क बाँडेका छन् ।
टस जितेर पहिले बलिङ रोजेको नेपालले उत्कृष्ट सुरुवात गरेको थियो ।
नेपालकी कप्तान पूजा महतोले पहिलो ओभरमा विकेट लिएकी थिइन् । पहिलो ओभरमा उनले १ रन मात्रै खर्चेकी थिइन् ।
तर, वर्षाका कारण दोस्रो ओभरको खेल हुन सकेन । वर्षा नरोकिएपछि खेल स्थगित गरिएको छ ।
नेपालले सुपर फोरको अर्को खेल बंगलादेशविरुद्ध भोलि खेल्नेछ ।
