काठमाडौं । विभागीय टोली त्रिभुवन आर्मी क्लबले जय ट्रफी पुरुष एलिट कपका लागि टोली घोषणा गरेको छ ।
शुक्रबार विनोद भण्डारीको कप्तानीमा १५ सदस्यीय टोली घोषणा गरिएको हो ।
टोलीमा अन्तर्राष्ट्रिय लिग ट्वान्टी-२० (आइएलटी) खेल्न युएई जाने तयारीमा रहेका अलराउन्ड कुशल मल्ललाई पनि सावेश गरिएको छ । कुशललाई डेजर्ट भाइपर्सले अनुबन्ध गरेको छ ।
नेपाल क्रिकेट संघ (क्यान) को आयोजनामा जय ट्रफी पुस २१ देखि २९ गतेसम्म मधेश प्रदेशको जनकपुर र वीरगन्जमा हुनेछ ।
यो प्रतियोगितामा प्रधानमन्त्री कप राष्ट्रिय एकदिवसीय क्रिकेट प्रतियोगिताको शीर्ष चार टोली नेपाल पुलिस क्लब, त्रिभुवन आर्मी क्लब, बागमती प्रदेश तथा मधेश प्रदेशले प्रतिस्पर्धा गर्नेछन् ।
लिग चरणमा एक अर्कासँग प्रतिस्पर्धा गरेपछि शीर्ष दुई टोलीले फाइनलमा स्थान बनाउने छन्। क्यानका अनुसार लिग चरणका खेल दुई दिवसीय र फाइनल तीन दिवसीय ढाँचामा खेलाइने छ ।
आर्मीले पहिलो दिन नै नेपाल पुलिस क्लबको सामना गर्नेछ ।
आर्मीको टोली
विनोद भण्डारी (कप्तान), सोमपाल कामी, कुशल मल्ल, विवेककुमार यादव, भीम सार्की, बसिर अहमद, शाहब आलम, सन्तोष कार्की, आकाश चन्द, इमरान शेख, तृतराज दास, नरेन साउद, दुर्गेश गुप्ता, पवन कार्की, सुमित श्रेष्ठ
