काठमाडौँ । ललितपुरको किष्ट अस्पताल भित्रको एक शौचालयमा युवक मृत फेला परेका छन् ।
नेपाल प्रहरीका अनुसार मृत फेला पर्नेमा ३१ वर्षीय सन्दीप रावल रहेका छन् ।
ललितपुरको महालक्ष्मी नगरपालिका–१ इमाडोलस्थित अस्पताल भित्रको इमरजेन्सी पछाडि रहेको शौचालयभित्र रावल सोमबार मृत फेला परेका हुन् । रावल सोही नगरपालिकाको वडा नम्बर ८ का निवासी रहेको प्रहरीको भनाई छ ।
यता तेह्रथुमको छथर गाउँपालिका–४ परेवाखोपमा पनि एक जना वृद्ध मृत अवस्थामा फेला परेका छन् । ७१ वर्षीय लोकमान लिम्बु सोही ठाउँस्थित परेवाखोपको पहरे खानेपानीको ट्याङ्कीको गेटबल छेउमा सिमेन्टले ढलान गरेको खाल्डोमा सोमबार मृत अवस्थामा फेला परेको प्रहरीले जनाएको छ ।
