काठमाडौँ । पार्टी नेतृत्वप्रति असन्तुष्टि जनाउँदै जनता समाजवादी पार्टी नेपालका केन्द्रीय सदस्य तथा पूर्वसांसद प्रमोद साहले पार्टी छाडेको घोषणा गरेका छन् ।
साहले बिहीबार सामाजिक सञ्जाल फेसबुकमा साधारण सदस्यसमेत नरहने गरी राजीनामा दिएको जानकारी दिएका हुन् ।
‘आजबाट आफूले सम्हाल्दै आएको केन्द्रीय सदस्य, सङ्गठन विभाग र पार्टीको साधारण सदस्य समेतबाट २७ वर्षको मधेस केन्द्रित राजनीतिको लामो यात्रापश्चात् पहिलो पल्ट राजीनामा गर्दछु,’ उनले विज्ञप्तिमा लेखेका छन् ।
