काठमाडौं । सहकारी ठगी मुद्दामा पीडितका तर्फबाट बहस गर्न वरिष्ठ अधिवक्ताहरू दिनेश त्रिपाठी र डा. सुरेन्द्र भण्डारी चितवन पुगेका छन् ।
उनीहरूले पीडितका तर्फबाट बहस गर्न वकालतनामा लेखाएका छन् ।
उनीहरूसँगै अधिवक्ता रामचन्द्र गौतमले पनि पीडितका तर्फबाट वकालतनामा लेखाएका छन् ।
यसैबीच, छिमेकी जिल्लाबाट रविविरुद्ध बहसका लागि गएका सरकारी वकिलहरूको बहस सकिएको छ ।
अहिले जाहेरवालातर्फका वकिलले बहस गरिरहेको चितवन जिल्ला अदालतका सूचना अधिकारी अमृत विश्वकर्माले जानकारी दिए ।
