नवलपुर । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले सरकार परिवर्तनबारे सत्तारुढ दल नेपाली कांग्रेसका नेताहरूसँग छलफल चलिरहेको बताएका छन् ।
नवलपरासी पूर्वको कावासोतीमा आयोजित पत्रकार सम्मेलनमा अध्यक्ष प्रचण्डले यस्तो बताएका हुन् ।
उनले सरकारको गतिविधिबाट कांग्रेस नेताहरू सन्तुष्ट नभएकाले छिट्टै सरकार परिवर्तन हुने संकेत आफूले पाएको बताए ।
अनौपचारिक भेटमा कांग्रेस नेताहरूले सरकार परिवर्तनको कुरा गर्ने गरेको उनको दाबी छ ।
‘यो सरकारबाट अब हुँदैन भन्नेमा नेताहरू पुगिसक्नुभयो। कांग्रेस नेतृत्वमा सरकार बन्ने सम्भावना छ,’ उनले भने ।
