ज्वाई र सासुआमाको सम्बन्ध मिथिला परम्परामा आमाछोराको हुन्छ, तर छिमेकी मुलुक बिहारमा एक घटनाले समाजिक प्रतिष्ठा नाघेको छ ।
बिहारको हाजीपुरमा एक अचम्मको पारिवारिक घटनाले स्थानीयहरूलाई चकित बनाएको छ। ५२ वर्षीया सोनी देवी नामकी महिलाले आफ्नै छोरीको श्रीमान्सँग प्रेम सम्बन्ध राखेर अन्ततः विवाह गरेकी छिन्। उक्त घटनापछि छोरीले रोँदैबिलौँदै प्रहरीमा उजुरी दिएकी छिन्।
प्राप्त विवरणअनुसार, सोनी देवी केही महिनादेखि आफ्ना ज्वाइँसँग नजिकिंदै गएकी थिइन्। समयसँगै उनीहरूको सम्बन्ध प्रेममा परिणत भयो, र अन्ततः दुबै जनाले समाज र परिवारको भावना बेवास्ता गर्दै विवाह गरे।
छोरीले जब आमाले आफ्नै श्रीमान्सँग विवाह गरेको कुरा थाहा पाइन्, उनी मानसिक रूपमा पूर्णरूपमा टुटिन् र स्थानीय प्रहरी चौकीमा उजुरी दिइन्। उनका अनुसार, यो घटनाले उनको वैवाहिक जीवन मात्र होइन, आत्मसम्मान र सामाजिक इज्जत पनि समाप्त गरिदिएको छ।
अद्भुत कुरा त के छ भने, आमा सोनी देवीले भनेकी छिन् कि ज्वाइँ अहिले आफ्ना पति बनेर खुसी छन् र अब कुनै हालतमा उनीहरू अलग नहुनेछन्। “हामीले प्रेम गरेका छौं, जबरजस्ती होइन। उनी पनि मेरो साथमा खुसी छन्,” सोनी देवीले बताएको स्थानीय मिडियाले उल्लेख गरेका छन्।
प्रहरी कार्यालयका अनुसार उजुरी दर्ता गरिएको छ र घटनाको थप अनुसन्धान भइरहेको छ। यसबीच, सामाजिक सञ्जाल र स्थानीय समुदायमा यो घटनाले व्यापक बहस र आलोचना उत्पन्न गराएको छ।
यो घटना केवल एक पारिवारिक त्रिकोण मात्र नभई, सामाजिक र नैतिक मूल्यहरूको दृष्टिकोणबाट पनि गम्भीर प्रश्न उठाएको छ।
