काठमाडौँ । लामो समयसम्म आफ्नो उत्कृष्ट फमको पर्खाइमा रहेका नेपाली क्रिकेट टोलीका खेलाडी सन्दीप लामिछाने आईसीसीको नयाँ वरीयतामा सुधार गरेका छन् ।
बलिङतर्फ लेगस्पीनर सन्दीप लामिछाने ७५ स्थानमा उक्लेका छन् । सन्दीपले ४१ स्थान सुधार गरेका हुन् । त्यस्तै अर्का लेग स्पिनर ललित राजवंशीले २९ स्थान सुधार गर्दै ५४ औँ स्थानमा पुग्न सफल भएका छन् ।
सन्दीपले स्कटल्यान्डमा भएको त्रिदेशीय टी–ट्वान्टी आई सिरिजमा ४ खेलमा ११ विकेट लिएका भने ललितले ४ विकेट लिएका थिए । खेलाडीले वरीयतामा सुधार गरे पनि टोली भने नेपाली टोली टी–२०आई वरियतामा १८औँ स्थानमा यथावत् छ ।
यता टी–ट्वान्टी आईमा ९ बलमा अर्धशतक बनाउने रेकर्ड बनाएका दिपेन्द्रसिंह ऐरी अलराउन्डर वरीयताको तेस्रो स्थानमा छन् । ब्याटिङको वरीयतामा कुशल भुर्तेल १० स्थान सुधार गर्दै ८३ औँ स्थानमा छन् ।
