नेपाली महिला राष्ट्रिय फुटबल टोलीको मुख्य प्रशिक्षक प्याट्रिक डे वाइल्डले राजीनामा दिएका छन्।
उनले अखिल नेपाल फुटबल संघ (एन्फा) लाई पत्र पठाउँदै नेपालको मुख्य प्रशिक्षकबाट राजिनामा दिएको उल्लेख गरेका हुन्।
एन्फा स्रोतका अनुसार वाइल्डले एन्फालाई मेल गर्दै राजिनामा दिएका हुन्। एन्फाले अब एक सातामा छलफल गरेर निर्णय गर्ने बताएको छ।
‘उताबाट राजिनामा आएको हो तर स्वीकृत भैसकेको छैन, के कस्तो हो भनेर पठाउनका लागि भनेका छौँ,’ एन्फा स्रोतले भन्यो, ‘एक साताको समय पनि दिएका छौँ। त्यसपछि के गर्ने भन्ने बारेमा औपचारिक निर्णय हुनेछ।’
