विराटनगर । क्रिकेटर ललित राजवंशीलाई मातृशोक परेको छ । ललितकी आमा ६३ बर्षिया शुभो राजवंशीको आईतबार विहान ४ बजे निधन भएको जेठा छोरा रामकिशोर राजवंशीले जानकारी दिएका छन् ।
उनका अनुसार आमा विगत लामो समयदेखी मुटु रोगबाट ग्रसित हुनुहुन्थ्यो । विराटनगर महानगरपालिका १४ स्थित घरमा अहिले परिवार तथा आफन्त र छिरछिमेक भेला भएको परिवारजनले जानकारी दिएको छ ।
मृतकको आजै अन्तिम दाहसंस्कार गर्ने तयारीमा रहेको जानकारी दिइएको छ । मृतक आमा शुभोका तीन छोरा र एक छोरी छन् । जसमा ललित राजबंशी कान्छा हुन् ।
