काठमाडौँ । कप्तान लियोनल मेस्सीको दुई गोलको सहयोगमा साबिकको विश्वकप विजेता अर्जेन्टिनाले विश्वकप छनोटमा भेनेजुएलामाथि ३–० को जित निकालेको छ ।
शुक्रबार बिहान भएको खेलमा अर्जेन्टिनालाई जित दिलाउन मेस्सीले दुई गोल भने लाउटारो मार्टिनेजले एक गोल गरे ।
खेलको ३९औँ मिनेटमा मेस्सीले गोल टिमलाई अग्रता दिलाए । पहिलो हाफमा १–० गोलले अघि रहेको अर्जेन्टिनाले दोस्रो हाफमा थप दुई गोल गर्न सफल भयो ।
खेलको ७६औँ मिनेटमा मार्टिनेजले गोल गर्दै टिमलाई २–० गोलको अग्रता दिलाए । खेलको ८०औँ मिनेटमा मेस्सीले गोल गर्दै टिमलाई ३–० गोलको जित निकाल्यो ।
