काठमाडौँ । प्रधानमन्त्रीमा सुशिला कार्की नियुक्त भएसँगै नेकपा एमालेका पोलिटव्युरो सदस्य सूर्य थापाले कार्कीको नियुक्ती असंवैधानिक र निषेधित काम भएको बताएका छन् ।
संसद विघठन गर्दै ६ महिनामा संसदीय निर्वाचन गर्नेगरी कार्की प्रधानमन्त्रीमा नियुक्त भएलगत्तै नेता थापाले यस्तो प्रतिक्रिया दिएका हुन् । साथै उनले संविधानको धारा १३२ (१) र (२) पढ्न समेत आग्रह गरेका छन् । उनले न्यायलयले निर्णय बदर गर्ने आशा समेत प्रकट गरेका छन् ।
‘संविधानको धारा १३२ (१) र (२) पढौं, सिधै असंवैधानिक र निषेधित काम भएको छ । सर्वोच्च न्यायालयले बदर गर्नु अनिवार्य छ’, थापाले भनेका छन्, ‘संसद र जनताले नचिनेको टीकाराम प्रधानमन्त्री नियुक्त । बिहान उठ्दा नागरिक, राती नसुत्दै कृपामा प्रधानमन्त्री । तर प्रधानमन्त्री सरकारी पद नै हो ।’
