काठमाडौँ । राष्ट्रिय प्रजातन्त्र पार्टी(राप्रपा)ले वरिष्ठ उपाध्यक्ष रवीन्द्र मिश्रलाई काठमाडौँ क्षेत्र नम्बर १ बाट उम्मेदवार बनाउने भएको छ ।
उनलाई काठमाडौँ क्षेत्र नम्बर १ बाट आगामी फागुनमा हुने प्रतिनिधिसभा निर्वाचनमा उम्मेदवार बनाउने प्रारम्भिक निर्णय गरिएको राप्रपा नेता रञ्जन कार्कीले बताए ।
उनका अनुसार शुक्रबार बसेको राप्रपाको संसदीय समिति बैठकले मिश्रलाई उम्मेदवार बनाउने निर्णय गरेको हो ।
