काठमाडौ । फागुन २१ सम्पन्न भएको प्रतिनिधि सभा निर्वाचनको मतपरिणाम आउने क्रम सुरू भएको छ।
हालसम्म ६५ क्षेत्रको मतगणना सुरू भएको छ। जसमध्ये राष्ट्रिय स्वतन्त्र पार्टीले एउटा क्षेत्रमा जित हात पारेको छ भने ५० स्थानमा अग्रता लिएको छ।
नेपाली कांग्रेस र नेकपा एमाले ५ – ५ निर्वाचन क्षेत्रमा अघि छन्।
मतगणना भइरहेका क्षेत्रमध्ये ललितपुर–१, मुस्ताङ–१, कपिलवस्तु–३, दैलेख–१ र कैलाली–१ मा अग्रता लिइरहेको छ।
ललितपुर १ मा कांग्रेसका उदयशम्शेर राणाले ३ हजार १४४ मत सहित अग्रता लिइरहेका छन्।
नेकपा एमालेका चेतनाथ संजेलले पछ्याइरहेका छन्। उनले १ हजार ७५३ मत प्राप्त गरेका छन्। रास्वपाका बुद्धरत्न महर्जनले १ हजार ६५२ मत प्राप्त गरेका छन्।
मुस्ताङमा कांग्रेसका योगेश गौचन थकालीले अग्रता लिएका छन्। उनले हालसम्म २ हजार ५५७ मत प्राप्त गरेका छन्। नेकपा एमालेका इन्द्रधारा डादु विष्टले उनलाई पछ्याइरहेका छन्। उनले १ हजार ३२३ मत प्राप्त गरेका छन्। रास्वपाका अधितीय चन्द्र थकाली ५ सय ९१ मत प्राप्त गरेका छन्।
कपिलवस्तु–३ मा कांग्रेसका अभिषेकप्रताप शाहले अग्रता लिइरहेका छन्। उनले हालसम्म २ हजार ५३१ मत ल्याएका छन्। नेकपा एमालेका बीरेन्द्रकुमार कानोडियाले १ हजार ४९३ मतका साथ पछ्याइरहेका छन्। रास्वपाका प्रकाश रजौरिया १ हजार २७० मतका साथ चौथो स्थानमा छ। तेस्रो स्थानमा रष्ट्रिय मुक्ति पार्टी नेपालका ईज्ञश्वर दयाल मिश्र १ हजार ४५९ मत प्राप्त गरेका छन्।
दैलेख १ मा कांग्रेसकी बासना थापाले १ हजार २५७ मत सहित अग्रता प्राप्त गरेकी छिन्। त्यहाँ नेकप एमालेका रविन्द्रराज शर्माले ९ सय २० मत सहित पछ्याइरहेका छन्। रास्वापका नन्दकिशोर बस्नेत ५ सय २४ मत सहित तेस्रो स्थानमा छन्।
कैलाली १ मा कांग्रेसका जनकराज चौधरीले अग्रता लिइरहेका छन्। उनले हालसम्म ३ सय ४८ मत प्राप्त गरेका छन्। स्वतन्त्र उम्मेदवार फागुराम थारुले २ सय ४१ मत प्राप्त गरेर चौधरीलाई पछ्याइरहेका छन्। रास्वपाका कोमल ज्ञवालीले १ सय ९९ मत प्राप्त गरेकी छिन्।
