धनगढी । डडेलधुरामा मतगणनाको प्रारम्भिक पहिलो चरणको नतिजा सार्वजनिक भएको छ । प्राप्त पछिल्लो विवरणअनुसार राष्ट्रिय स्वतन्त्र पार्टी रास्वपाका उम्मेदवार ताराप्रसाद जोशीले अग्रता कायम गरेका छन्।
सार्वजनिक मतपरिणाम अनुसार जोशीले ४७८ मत प्राप्त गर्दै अग्रस्थानमा रहेका छन् । उनलाई नेपाली कम्युनिस्ट पार्टीका उम्मेदवार मानसिंह मालले २९१ मत सहित पछ्याइरहेका छन्।
परम्परागत ठुला दलहरू भने प्रारम्भिक गणनामा पछाडि देखिएका छन्। नेपाली कांग्रेसका उम्मेदवार नैनसिंह महर ले २७६ मत प्राप्त गरेका छन् भने नेकपा एमालेका उम्मेदवार चक्रप्रसाद स्नेहीले १५२ मत प्राप्त गरेका छन् ।
