काठमाडौँ । निर्वाचन आयोगले निर्वाचनलाई मितव्ययी, प्रविधिमैत्री र व्यवस्थित बनाउने उद्देश्यसहित मंगलबार राजनीतिक दलहरूसँग विशेष छलफल गरेको छ।
छलफलका क्रममा आयोगले २०८४ सालमा हुने स्थानीय तह र प्रदेश सभा निर्वाचन एकै मितिमा सम्पन्न गर्ने प्रस्ताव राजनीतिक दलहरूसमक्ष राखेको जनाएको छ।
आयोगका अनुसार आगामी २०८४ वैशाख ३० गते स्थानीय तहका जनप्रतिनिधिको कार्यकाल सकिँदैछ भने सोही वर्ष मंसिर ४ गते प्रदेश सभाको कार्यकाल समाप्त हुँदैछ। दुवै निर्वाचन एकैपटक गराउँदा राज्यको करिब ४ अर्ब रुपैयाँभन्दा बढी खर्च बचत हुने आयोगको दाबी छ।
यद्यपि आयोगले हाल प्रारम्भिक प्रस्ताव मात्र राखेकाले निर्वाचन एकैपटक गर्ने वा नगर्ने भन्ने विषयमा कुनै अन्तिम निर्णय भने भइनसकेको जनाएको छ।
