काठमाडौँ । नेपाली कांग्रेसका निवर्तमान सभापति Sher Bahadur Deuba को नाममा सामाजिक सञ्जालमा ‘एनसीआईडी कार्ड’ भाइरल भएपछि त्यसबारे विभिन्न चर्चा सुरु भएका छन्।
पार्टीभित्र क्रियाशील सदस्यता अध्यावधिक गर्ने विषयमा बहस चलिरहेका बेला देउवाको नाममा रहेको भनिएको डिजिटल सदस्यता कार्ड सामाजिक सञ्जालमा व्यापक रूपमा साझा गरिएको हो।
तर देउवाका स्वकीय सचिव भानु देउवाले उक्त कार्ड नक्कली भएको दाबी गरेका छन्। उनले देउवाले हालसम्म क्रियाशील सदस्यता अध्यावधिक नगरेको र सामाजिक सञ्जालमा भ्रम फैलाउने उद्देश्यले नक्कली कार्ड बनाएर प्रचार गरिएको बताएका छन्।
“उहाँ उपचारका क्रममा नेपाल बाहिर हुनुहुन्छ। क्रियाशील सदस्यता अध्यावधिक गर्नुभएको छैन। भ्रम छर्नका लागि नक्कली कार्ड बनाएर सामाजिक सञ्जालमा भाइरल बनाउने काम भइरहेको छ,” भानु देउवाले बताएका छन्।
त्यसैगरी, नेपाली कांग्रेसको क्रियाशील सदस्यता व्यवस्थापन समितिका संयोजक तथा महामन्त्री Pradeep Paudel ले पनि देउवाले सदस्यता अध्यावधिक गरेकोबारे आफूलाई कुनै जानकारी नभएको बताएका छन्।
“उहाँले क्रियाशील सदस्यता अध्यावधिक गर्नुभएको छ भन्ने जानकारी मलाई छैन,” पौडेलको भनाइ उद्धृत गरिएको छ।
सामाजिक सञ्जालमा भाइरल भएको कार्डको आधिकारिकता पुष्टि नभएको अवस्थामा कांग्रेसका नेताहरूले त्यसलाई भ्रामक सामग्री भएको दाबी गरेका छन्।
