काठमाडौँ । फिफा विश्वकप २०२६ अन्तर्गत समूह ‘जे’ मा जारी खेलमा जोर्डनले दोस्रो हाफको सुरुमै गोल फर्काउँदै साविक विजेता अर्जेन्टिनाविरुद्धको अन्तर घटाएको छ।
डलास स्टेडियममा जारी खेलको ५५औँ मिनेटमा मुसा अल तामारीले एहसान हद्दादको पासमा गोल गर्दै जोर्डनलाई खेलमा फर्काएका हुन्। यससँगै स्कोर २–१ भएको छ।
यसअघि अर्जेन्टिनाले पहिलो हाफमै दुई गोलको अग्रता बनाएको थियो। १९औँ मिनेटमा जियोभानी लो सेल्सोले फ्रिकिकमार्फत गोल गर्दै टोलीलाई अग्रता दिलाएका थिए भने ३१औँ मिनेटमा लाउटारो मार्टिनेजले पेनाल्टीमार्फत दोस्रो गोल गरेका थिए।
जोर्डनले दोस्रो हाफ आक्रामक रूपमा सुरु गर्दै चाँडै गोल निकालेपछि खेल थप रोमाञ्चक बनेको छ। यद्यपि, यसअघि नै समूह विजेताका रूपमा नकआउट चरणमा स्थान सुरक्षित गरिसकेको अर्जेन्टिना अझै २–१ ले अगाडि रहेको छ।
