काठमाडौं । रोल्पा जिल्लाको इरीवाङ आसपास केन्द्रबिन्दु भएर सोमबार बिहान भूकम्प गएको छ।
राष्ट्रिय भूकम्प मापन तथा अनुसन्धान केन्द्रका अनुसार बिहान ३ बजेर ७ मिनेटमा ४.४ स्थानीय म्याग्निच्युडको भूकम्प मापन गरिएको हो।
भूकम्पको धक्का रोल्पासहित आसपासका जिल्लाहरूमा पनि महसुस गरिएको थियो।
हालसम्म भूकम्पबाट मानवीय वा भौतिक क्षति भएको कुनै आधिकारिक विवरण प्राप्त भएको छैन।
