काठमाडौं, २५ साउन । फिफा विश्वकप २०२६ सम्पन्न भएसँगै खेलाडीहरूको क्लब अदलीबदलीमा बढोत्तरी सुरू भएको छ ।
अहिले मुख्य गरी युरोपियन लिगका खेलाडीहरू एक अर्को क्लबमा स्थानतरण हुने, आबद्द हुने र छाडने क्रमले तिब्रता पाएको छ। अहिले राता रात खेलाडीहरूको भाउ बढेको छ, मुख्यतयाः फिफा विश्वकपमा देखाएको प्रदर्शन र क्षमताका कारण फुटबलरहरूको भाउ पनि एक्कासी आकासिएको खेलकुद सञ्चारमाध्यमहरूले जनाएका छन।
उसो भए, जानौं न त कुन खेलाडी कुन क्लब छाडेर कता आबद्द हुने प्रयास गरिरहेका छन त ?
बार्सिलोनाले रोड्रिगो हर्नान्डेज कास्कान्ते का लागि प्रस्ताव बढाएको छ, क्रिस्टियन रोमेरो आर्सनलमा आबद्ध हुन चाहन्छन् र नटिङ्घम फरेस्टले ओस्मान डिओमान्डेलाई अनुबन्ध गर्ने तयारी गरिरहेको छ।
बार्सिलोना रोड्रीलाई अनुबन्ध गर्ने विषयमा म्यानचेस्टर सिटीसँग निरन्तर वार्ता गरिरहेको छ र ३० वर्षीय स्पेनिस मिडफिल्डरका लागि ५ करोड १४ लाख पाउन्डको प्रस्ताव अघि सारेको छ। उनी हालै सम्पन्न फिफा विश्वकपका उत्कृष्ट मिड फिल्डरका उपाधी जितेका खेलाडी पनि भएकाले उनी माथी धेरै क्लबको नजर मात्रै परेको छैन, उनको भाउ पनि आकासिएको छ ।
क्रिस्टियन रोमेरो आर्सनलमा आबद्ध हुन चाहन्छन् तर टोटनह्यामले २८ वर्षीय अर्जेन्टिनी सेन्टर ब्याकलाई आफ्नो उत्तरी लन्डनको प्रतिद्वन्द्वी क्लबमा जान दिने कुनै योजना बनाएको छैन।
रोमेरो बार्सिलोनाका लागि पनि एक विकल्प हुन्, बार्सिलोना २७ वर्षीय उरुग्वेली सेन्टर ब्याक रोनाल्ड अराउजोलाई लोनमा लिभरपूल जान दिने तयारीमा राखेको छ।
नटिङ्घम फरेस्टले स्पोर्टिङबाट २२ वर्षीय आइभोरी कोस्टका सेन्टर ब्याक ओस्मान डिओमान्डेलाई ३ करोड ४० लाख पाउन्डमा अनुबन्ध गर्ने तयारी गरिरहेको छ।
स्पेनका २६ वर्षीय फरवार्ड फेरान टोरेसले बार्सिलोनालाई आफू पेरिस सेन्ट जर्मेनमा जान चाहेको बताएका छन्, उनले युरोपेली च्याम्पियन क्लबसँग व्यक्तिगत सर्तहरूमा सहमति जनाइ पनि सकेका छन्।
एभर्टन र क्रिस्टल प्यालेसबीच इङ्लिस विङ्गर ड्वाइट म्याकनिल (२६) र प्यालेसका वेल्स विङ्गर ब्रेनन जोनसन (२५) लाई साटासाट गर्ने सम्भावित सम्झौताका लागि वार्ता गरेको छ ।
टोटनह्यामले ब्राजिलियन विङ्गर साभिन्यो (२२) लाई अनुबन्ध गर्ने विषयमा म्यानचेस्टर सिटीसँग अन्तिम चरणको वार्ता गरेको छ, सम्झौता पूरा गर्न ६ करोड पाउन्डको प्याकेज पर्याप्त हुने अनुमान गरिएको छ।
एस्टन भिल्ला एट्लेटिको मड्रिडबाट २४ वर्षीय इटालियन लेफ्ट ब्याक माटेओ रुगेरीलाई अनुबन्ध गर्न पूर्ण सम्झौताको नजिक पुगेको छ।
यदि लिड्सले नर्दन आयरल्यान्डका २२ वर्षीय मिडफिल्डर शे चार्ल्सका लागि फुलहमको हालको ३ करोड पाउन्डको प्रस्ताव भन्दा बढी रकम प्रस्ताव गरेमा उनी लिड्स जान सक्छन्।
निकलास फुलक्रुगले भेनेजियासँग सर्तहरूमा सहमति जनाएका छन् तर वेस्ट ह्यामले ३३ वर्षीय जर्मन स्ट्राइकरका लागि तोकेको मूल्यका कारण यो स्थानान्तरण तत्कालका लागि भने रोकिएको छ।
वेस्ट ह्याम टोटनह्यामबाट २७ वर्षीय इजरायली विङ्गर मनोर सोलोमनलाई अनुबन्ध गर्न सैद्धान्तिक सहमतिमा पुगेको छ।
फेनरबाचेले नापोलीबाट बेल्जियमका ३३ वर्षीय स्ट्राइकर रोमेलु लुकाकुलाई अनुबन्ध गर्ने सम्झौतालाई अन्तिम रूप दिने तयारी गरिरहेको छ । यस सम्झौताअन्तर्गत चेल्सीले ‘सेल अन फी’ अर्थात पुनः बिक्रीबापतको शुल्क प्राप्त गर्नेछ।
