काठमाडौं । नेकपा एमालेले बाढीपहिरो प्रभावित नागरिकको राहत तथा उद्धारका लागि प्रधानमन्त्री राहत कोषमा २० लाख रुपैयाँ सहयोग गर्ने भएको छ।
एमाले अध्यक्ष केपी शर्मा ओलीको उपस्थितिमा शुक्रबार बाढी प्रभावित क्षेत्रमा उद्धार तथा राहतका लागि युवा स्वयंसेवक फोर्सका स्वयंसेवकहरूलाई परिचालन गरी बिदाइ गरिएको थियो । सोही क्रममा सहयोग रकम घोषणा गरिएको एमाले सचिव महेश बस्नेतले जानकारी दिए ।
एमाले वाग्मती प्रदेश कमिटी र राजधानी प्रदेश कमिटीले १०–१० लाख रुपैयाँ गरी कुल २० लाख रुपैयाँ प्रधानमन्त्री राहत कोषमा सहयोग गरिएको हो ।
