काठमाडौँ । इजरायलमा केयरगिभरका रूपमा रोजगारीमा पठाइदिने भन्दै प्रधानमन्त्रीका प्रमुख सल्लाहकार कुमार वेनको नाम र पद दुरुपयोग गरी २ करोड ५० लाख रुपैयाँ ठगी गरेको आरोपमा दुई जना पक्राउ परेका छन् ।
केन्द्रीय अनुसन्धान ब्यूरो (सीआईबी)का अनुसार पक्राउ पर्नेमा रामेछाप सुनापति गाउँपालिका–१ का ५९ वर्षीय भरत चौलागाईं र दोलखा कालिञ्चोक गाउँपालिका–८ की ३२ वर्षीया बालिका सिवाकोटी छन् ।
सीआईबीका अनुसार सन् २०२४ मा नेपाल सरकारले इजरायलका लागि लिएको केयरगिभर परीक्षामा सहभागी भई लक्की ड्रमा छनोट हुन नसकेका व्यक्तिहरूलाई लक्षित गरी उनीहरूले रकम असुलेका थिए ।
उनीहरूले प्रधानमन्त्रीका प्रमुख सल्लाहकारको नाम तथा पदको दुरुपयोग गर्दै इजरायल पठाइदिने विश्वास दिलाएर प्रतिव्यक्ति ६ लाख २० हजार रुपैयाँका दरले रकम लिएको आरोप छ । यसरी १५६ जनाबाट कुल २ करोड ५० लाख रुपैयाँ असुलेको भन्दै पीडितहरूले जाहेरी दिएका थिए ।
पक्राउ परेकामाथि ठगीसम्बन्धी कसुरमा काठमाडौं जिल्ला अदालतबाट म्याद थप गरी थप अनुसन्धान भइरहेको सीआईबीले जनाएको छ ।
[
