काठमाडौ । आइसिसी महिला यु–१९ विश्वकप एसिया छनोट अन्तर्गत नेपालले आज कुवेतसँग खेल्दै छ ।
संयुक्त अरब इमिरेट्स (युएई)को सेभेन क्रिकेट रङ्गशालामा खेल नेपाली समय अनुसार बिहान सवा ११ बजे सुरु हुनेछ ।
बुधवार भएको उद्घाटन खेलमा नेपालले थाइल्यान्डलाई ६७ रनले पराजित गरेको थियो । नेपालले दिएको १०३ रनको लक्ष्य पछ्याएको थाइल्यान्ड ओभरमा ३५ रनमा अलआउट भयो ।
नोभेम्बर १४ सम्म चल्ने छनोटमा आयोजक युएईसँगै नेपाल, कुवेत र थाइल्यान्डले डबल राउन्ड रोबिनमा प्रतिस्पर्धा गर्दै छन् ।
प्रतियोगिताको शीर्ष टोलीले विश्वकपमा स्थान बनाउनेछ ।
