पोखरा । सूर्यदर्शन बचत तथा ऋण सहकारी संस्था लिमिटेडका पीडितले सहकारी ठगीका मुख्य योजनकार जीबी राईलाई पक्राउ नपर्नुमा सरकारकै हात रहेको आरोप लगाएका छन् ।
सूर्यदर्शन सहकारी बचत पीडित संघर्ष समितिले पोखरामा पत्रकार सम्मेलन गर्दै उक्त आरोप लगाएको हो ।
सहकारी ठगीमा संलग्न जीबी राईलाई पक्राउ गर्न नसक्नुमा सरकारकै हात रहेको उनीहरुले आरोप लगाएका छन् ।
जीबी राईलाई पक्राउ गरेर ल्याउँदा अरु नेता पनि जोडिने डरले सबै दलले जीबीलाई संरक्षण गरेको उनीहरुले आरोप लगाए ।
जीबी राईलाई नेपाल ल्याउँदा कांग्रेस एमालेका ठूला नेता पनि जोडिने देखिएकाले सबै मिलेर जीबी राईलाई संरक्षण गरिरहेको उनीहरुको आरोप छ ।
