नेपाल कम्युनिस्ट पार्टी (नेकपा)का महासचिव नेत्रविक्रम चन्द (विप्लव सी)का छोरा प्रकाश विवाह बन्धनमा बाँधिएका छन् ।
पार्टीको अखिल नेपाल जनस्वास्थ्यकर्मी महासंघका महासचिव समेत रहेका प्रकाशले अखिल क्रान्तिकारीकी केन्द्रीय सदस्य डा. मान्यता सीसँग विवाह गरेका हुन् ।
नेकपाले पार्टीका सबै नेता/कार्यकर्ताको नामपछाडि सी लेख्ने चलन चलाएको छ ।
खादामाला र टीका लगाएर गरिएको प्रगतिशील विवाहमा नवविवाहित जोडीलाई विप्लवले हात मिलाएर बधाई तथा शुभकामना दिएका छन् ।
प्रकाश चिकित्सा शिक्षा अध्ययनरत विद्यार्थीहरूको नेतृत्व गर्दै चितवन मेडिकल कलेजमा भएको आन्दोलनबाट चर्चामा आएका थिए ।
