काठमाडौं । नेपाल प्रिमियर लिग (एनपीएल) अन्तर्गत आजको दोस्रो खेलमा कर्णाली याक्सका ओपनर शिखर धवन ५ रनमा आउट भएका छन्।
विराटनगर किंग्सविरूद्धको खेलमा धवन ५ रनमा आउट भएका हुन् । उनलाई दोस्रो ओभरको तेस्रो बलमा विराटनगरका प्रतिश जिसीले बोल्ड गरे।
त्यसअघि उनले १ चौका प्रहार गरेका थिए। यसअघिका तीन मध्ये एक खेलमा धवनले अर्धशतक प्रहार गरेका थिए।
उनले काठमाडौं गुर्खाजविरूद्ध ७४ रन जोड्दा चितवन राइनोजसँग ४५ रन र जनकपुर बोल्ट्ससँग १४ रन जोडेका थिए।
कम्तिमा चार खेल खेल्न कर्णालीसँग सम्झौता गरेका भारतीय राष्ट्रिय टोलीका पूर्व ओपनर धनवले चार खेलमा १३६ रन जोड्न सके।
