काठमाडौं । रक्षामन्त्री मानवीर राई सवार सरकारी गाडीले मोटरसाइकललाई ठक्कर दिएको घटना सार्वजनिक भएको छ ।
प्रहरीका अनुसार ठक्करबाट कुनै पनि मानवीय क्षति भएको छैन । केही समय अघि माइतीघर क्षेत्रको सडकमा भएको दुर्घटनामा गाडीको ठक्करबाट मोटरसाइकलको लुकिङ ग्लासमा क्षति पुगेको छ ।
ट्राफिक प्रहरी कार्यालयका प्रमुख एसएसपी विनोद घिमिरेका अनुसार, गाडीले मोटरसाइकलको लुकिङ ग्लासलाई मात्र सानो क्षति पुर्याएको थियो ।
आइबतार बिहान ११ बजे भएको घटनामा कुनै गम्भीर क्षति नभएपछि दुवै पक्षले आपसी सहमतिमा कुरा मिलाएर आफ्नो गन्तव्यतर्फ अगाडि बढेको ट्राफिक कार्यालयले जनाएको छ ।
