कञ्चनपुर,माघ २९। कञ्चनपुरको भीमदत्त नगरपालिका १२ स्थित भाइरल रोडमा मोटरसाइकल दुर्घटना हुँदा २ जनाको मृत्यु भएको छ।
सोमबार साँझ पौने ८ बजे तिर भाइरल रोडमा मोटरसाइकल दुर्घटना हुँदा २ जनाको घटनास्थलमै मृत्यु भएको जिल्ला प्रहरी कार्यालय कञ्चनपुरले जनाएको छ।
सु.प.प्र. ०१०१२ प ९२४९ नम्बरको मोटरसाइकल अनियन्त्रित भएर विद्युत् पोलसँग ठोक्किएर दुर्घटना हुँदा भीमदत्त नगरपालिका १३ का २१ वर्षीय कैलाशसिंह साउद र २२ वर्षीय गणेश विष्टको मृत्यु भएको प्रहरीले जनाएको छ।
दुर्घटनाका बारेमा प्रहरीले थप अनुसन्धान गरिरहेको जनाएको छ।
