काठमाडौँ । युनिटी कप टि–ट्वान्टी इन्टरनेशनल प्रतियोगितामा सहभागी हुने नेपाली क्रिकेट टोलीले यूएईको भिसा प्राप्त गरेका छन् ।
नेपाल क्रिकेट संघका प्रवक्ता छुम्बी लामाले आइतबार विज्ञप्ति जारी गर्दै नेपाली क्रिकेट टोलीका सदस्यले भिसा प्राप्त गरेको जानकारी दिएका हुन् ।
नेपाली टोलीले सेप्टेम्बर २७ देखि ३० सम्म यूएईमा वेस्ट इन्डिजको राष्ट्रिय क्रिकेट टोलीसँग युनिटी कप टी–ट्वान्टी प्रतियोगितामा प्रतिस्पर्धा गर्नेछ ।
सो प्रतियोगिताका लागि नेपाली क्रिकेट टोली भोलि यूएई प्रस्थान गर्ने जनाइएको छ ।
