काठमाडौँ । सिद्धार्थ बैंक नेपाल प्रिमियर लिग (एनपीएल) को दोस्रो संस्करणको उपाधि भिडन्तका लागि सुदूरपश्चिम रोयल्स र लुम्बिनी लायन्सबिच खेल भइरहेको छ ।
यस्तोमा टस जितेर पहिला ब्याटिङ रोजेको सुदूरले दोस्रो विकेट पनि गुमाएको छ । पहिलो ओभरमा पहिलो विकेट गुमाएको सुदूरले दोस्रो ओभरको तेस्रो बलमा अर्को विकेट गुमाएको हो । दुवै विकेट ट्रम्पलमानले लिए । दोस्रो विकेटका रूपमा ट्रम्पलमानले शेल्डन ज्याक्सनलाई एलबीडब्ल्यू धरापमा पारे ।
यसअघि ट्रम्पलमानको बलिङमा भण्डारी बिनाकुनै रन बनाई दिनेश अधिकारीबाट क्याच आउट भएका थिए, अघिल्ला खेलहरूमा भने भण्डारी उत्कृष्ट लयमा थिए ।
दोस्रो संस्करणको फाइनल खेल त्रिवि क्रिकेट मैदान कीर्तिपुरमा भइरहेको छ । सुदूरपश्चिम पहिलो संस्करणको फाइनलमा भने जनकपुर बोल्ट्ससँग पराजित भएको थियो ।
