बुटवल । पूर्व सांसद यज्ञ जीत शाहले नेकपा एमाले छाडेका छन् ।
आगामी फागुन २१ गते हुने प्रतिनिधिसभा निर्वाचनमा टिकट नपाएपछि पार्टी अध्यक्ष केपी शर्मा ओलीलाई पत्र लेख्दै उनले आइतबार राजीनामा दिएका हुन् ।
भैरहवा निवासी शाह पूर्व प्रधानमन्त्री डा. के आई सिंहका छोरा समेत हुन् । रुपन्देही–३ मा पार्टीले वासुदेव घिमिरेलाई टिकट दिएपछि शाह असन्तुष्ट थिए । उनी पनि सोही क्षेत्रबाट उम्मेदवार आकाङ्क्षी थिए ।
पार्टीमा कुनै अवसर नपाएको उनले अध्यक्ष केपी शर्मा ओलीलाई बुझाएको राजीनामा पत्रमा उल्लेख गरेका छन्।
