काठमाडौं । नेकपा एमालेका युवा नेता अब्दुस मियाले आगामी निर्वाचनमा राष्ट्रिय स्वतन्त्र पार्टीले काठमाडौं उपत्यकामा एक सिट पनि नजित्ने दाबी गरेका छन्।
उनले रास्वपाको अवस्था भारतमा अरविन्द केजरीवालको आम आदमी पार्टी र प्रशान्त किशोरको जन सुराजजस्तो हुने बताएका छन् ।
उनले सामाजिक संजाल एक्स लेखेका छन्, ‘रास्वपाको हालत यसपटक दिल्लीमा आम आदमी पार्टी र बिहारमा प्रशान्त किशोरको जस्तो हुन्छ।
मेरो आंकलन छ, यसपटक रास्वपाले काठमाडौं उपत्यकामा एक सिट पनि जित्दैन। हामीलाई देश निर्माणको भिजन बोक्ने नेताहरू चाहिएको छ, युवाहरूलाई प्रहरीसँग मुठभेड गराएर ज्यान लिने र आफ्नै सार्वभौमसत्ता सम्पन्न देशमाथि पेट्रोल बम आक्रमण गर्ने गोबरल्वाँठहरू होइन।’
