काठमाडौँ । दोस्रो चरणअन्तर्गत काठमाडौँ उपत्यकाका बागमती तथा सहायक नदी किनारमा रहेका जोखिमयुक्त बस्ती स्थानान्तरणका लागि ६ वटा बुलडोजर तयारी अवस्थामा राखिएको छ ।
टेकुस्थित कालोपुल अगाडिबाट यी डोजरहरू नदी किनारतर्फ लागेका छन् ।
सरकारले डोजर चलाउने तयारी गरेका स्थानहरूमा सुरक्षा व्यवस्था कडा पारेको छ ।
कतिपय स्थानमा सुरक्षाकर्मीले सामान सार्न सहयोग गरिरहेका छन् ।
बिहान ७ बजेबाट डोजर चलाउने भनिए पनि सवा ८ बजेसम्म काम सुरु भने भएको छैन ।
