काठमाडौं । सुनामीका कारण टर्कीको कार्गो जहाज र १२ सदस्यीय चालक दल ‘ब्ल्याक सी’मा डुबेको छ । टर्कीका आन्तरिकमन्त्री अली येर्लिकायाले चालक दलसँग सम्पर्क गर्न असमर्थ भएको बताएका हुन् ।
रुसी बन्दरगाह टेम्रयुकबाट टर्कीको अलियागामा फेरोसिलिकन ढुवानी गरिरहेको काफ्कामेटलर जहाज एरेग्लीको ब्रेकवाटरमा ठोक्किएपछि डुबेको मन्त्रीले बताए ।
सो क्षेत्रमा आइतबार शक्तिशाली सुनामी आएको थियो । अनुकूल मौसम नहुँदा डुबेका व्यक्तिको खोजीमा समस्या आएको बताइएको छ । प्रतिकूल मौसममा सुधार आएसँगै खोजीकार्य अघि बढाइने उनले बताए ।
