संखुवासभाको उत्तरी भोटखोलाबाट खाँदबारी आउँदै गरेको मोटरसाईकल मकालुमा दुर्घटना हुँदा भोटखोला गाउँपालिका- २ रुकुमाका एमाले युवा संघ नेता फुर्पु छिरिङ लामाको मृत्यू भएको छ ।
मकालु गाउँपालिका स्थित फ्याक्सिन्दा उकालो (हेदाङ्ना मुनी) मोटर साईकल दुर्घटना हुँदा कान्छा लामा भनिने फुर्पु छिरिङको मृत्यू भएको हो । लामा नेकपा एमालेको युवा संगठन युवा संघ नेपाल संखुवासभाको निवर्तमान सहसचिव रहेको नेकपा एमालेका नेता वाङ्दावी भोटेले जानकारी दिए ।
लामा मोटर साईकल चालकको पछाडी बसेका थिए । मोटर साईकल चालक भने सकुशल रहेको बताईएको छ । मृतकको शव अहिले नुमबाट खाँदबारी ल्याउने तयारी भईरहेको समेत नेता भोटेले जानकारी दिए ।
