काठमाडौं । छुट्टाछुट्टै स्थानमा ३ जना मृतावस्थामा फेला परेका छन् । काठमाडौंको बल्खुस्थित बल्खु संयुक्त सुमो पार्कमा रहेको टिकट काउण्टरको कोठाभित्र कैलाली धनगढी घर बताउने २२ वर्षीय राजु थापा मंगलबार मृत अवस्थामा फेला परेका छन् ।
यसैगरी नुवाकोटको शिवपुरी गाउँपालिका-६ बखती टोल बस्ने ७५ वर्षीया नेत्र कुमारी क्षेत्री आफ्नै बाख्राको खोरभित्र मंगलबार मृत अवस्थामा फेला परेकी छिन् ।
दाङको बबई गाउँपालिका-४ हापुरे बस्ने ५३ वर्षीया भिम कुमारी गिरी पनि आफ्नै कोठामा मंगलबार मृत अवस्थामा फेला परेकी छिन् । यस सम्बन्धमा प्रहरीले आवश्यक अनुसन्धान गरिरहेको नेपाल प्रहरीको केन्द्रीय समाचार कक्षले जनाएको छ ।
