काठमाडौँ । क्यानडाविरुद्धको दोस्रो एकदिवसीय अन्तर्राष्ट्रिय क्रिकेटमा नेपाली टोलीले तेस्रो विकेट गुमाएको छ । नेपालका ब्याट्सम्यान देव खनाल ७६ रन बनाउँदै आउट भएका हुन् । उनले ८१ बलको सामना गरी दुई छक्का र सात चौका पनि हिर्काए ।
उनलाई क्यानडाका बलर हर्ष ठाकेरले आफ्नो बलिङमा आफैले क्याच लिएका थिए । ३३.५ ओभरमा उनी आउट हुँदा नेपालले दुई सय १४ रन बनाएको छ । देव र कप्तान रोहित पौडेलले टोलीका लागि एक सय ५० रनको साझेदारी गरे ।
उनले ५६ बलको सामना गरी दुई छक्का र चार चौकाको मद्दतले आफ्नो अर्धशतक पूरा गरेका थिए । देवले २४ औँ ओभरको अन्तिम बलमा अर्धशतक पूरा गरेका थिए । देव यू-१९ राष्ट्रिय टोलीका कप्तान पनि हुन् ।
