काठमाडौं । आईसीसी विश्व क्रिकेट लिग टुको आफ्नो दोस्रो खेलमा नेपालले सानदार प्रदर्शन गरिरहेको छ । बलियो टिम नेदरल्यान्ड्सविरुद्ध १ सय ३८ रनको लक्ष्य पच्छ्याइरहेको नेपालले १० ओभरमै १०० रन पार गरेको छ । पहिलो विकेटका रुपमा कुशल भुर्तेललाई २ दशमलब ५ ओभरमा गुमाएपछि क्रिजमा रहेका आशिफ शेख र अनिल साहले राम्रो पार्टरसिप गरिरहेका छन् । आशिफ ४२ र अनिल २८ रन बनाएर खेलिरहेका छन् ।
टीयू क्रिकेट मैदान कीर्तिपुरमा टस जितेर पहिलो फिल्डिङ रोजेको नेपालले नेदरल्यान्ड्सलाई ३९ ओभरमा अलआउट गर्दै १ सय ३७ रनमा समेटेको थियो । कसिलो बलिङ गरेको नेपालको आफ्नो इनिङमा ब्याटिङ पनि प्रसंशायोग्य गरिरहेको हो । कुशलले ११ बल खेलेर २८ रन जोडे । कुशलले नेदरल्यान्ड्सका ४ विकेट लिएका थिए ।
नेदरल्यान्ड्सको ब्याटिङ अर्डर ध्वस्त पार्ने क्रममा कुशलले भिभिएन किङ्मालाई १०औं विकेटका रुपमा ३९औं ओभरमा शिकार बनाएका थिए ।
यसअघि, कुशलले नै ३४ दशमलव २ ओभरमा ३३ रनमा खेलिरहेका नेदरल्यान्ड्सका स्कट इडवार्ड्सलाई आउट गर्दै नेपाललाई नवौं सफलता दिलाएका थिए ।
कुशलले नै नेपालका लागि आठौं विकेटका रुपमा नेदरल्यान्ड्सका आर्यन दत्तलाई पवेलियन पठाए । ३३औं ओभरमा दत्त १० रन बनाएर आउट भए ।
नेपाललाई सातौं सफलता कप्तान रोहित पौडेलले दिलाए । २७ दशमलब २ ओभरमा १ रन बनाएका नेदरल्यान्ड्सका सरिज अहमदलाई पौडेलले आउट गरे ।
नेपालका लागि छैटौं विकेट कुशलले लिए । उनले २६ दशमलब ३ ओभरमा विस्ले ब्यारेसीलाई शून्य रनमा दीपेन्द्र सिंह ऐरीबाट क्याच आउट गराए ।
पाँचौं विकेटका रुपमा नेदरल्यान्ड्सले नोह क्रोजलाई गुमायो । कुशल मल्लको बलमा २५ दशमलब ३ ओभरमा १२ रन बनाएका नोह रनआउट भए ।
नेपाललाई चौथो सफलता ललित राजवंशीले दिलाएका थिए । १९ दशमलब २ ओभरमा ललितले नेदरल्यान्ड्सका बास डे लिडलाई २७ रनमा आउट गराए ।
यस्तै, १६औं ओभरमा ललितले नै नेदरल्यान्ड्सका साइब्रान्ड इङ्गेलब्रेच्टलाई २३ रनमा पवेलिनय पठाए । नेदरल्यान्ड्सले म्याक्स ओ डाउडलाई दोस्रो विकेटका रुपमा गुमाएको थियो । १० रन बनाएका म्याक्स ललितकै बलमा रनआउट भए ।
नेपाललाई पहिलो ओभरमै सफलता मिलेको थियो । पहिलो ओभर बलिङ गर्न आएका सोमपाल कामीले ओभरको तेस्रो बलमै नेदरल्यान्ड्सका ओपनर मिचेल लेभिटलाई शून्य रनमा देव खनालबाट क्याच आउट गराएका थिए ।
