काठमाडौं, ८ फागुन । एकदिवसीय सिरिजको दोस्रो खेलमा क्यानडा-११ ले दिएको २४१ रनको लक्ष्य पछ्याएको नेपाल ‘ए’ ले खेलमा फर्किन संघर्ष गरिरहेको छ ।
पहिलो बलमै ओपनर मयन यादव र दोस्रो ओभरमा शेर मल्ललाई गुमाएपछि दवावमा परेको नेपाल ए का लागि सन्दीप जोरा र अर्जुन कुमालले मिलेर पाली सम्हालिरहेका छन् । आजको खेलमा कप्तानीसमेत गरेका जोराले अर्धशतक पूरा गरेका छन् ।
नेपालले दुई विकेट तेस्रो ओभरमै १३ रनमा गुमाएको थियो । तर त्यसपछि अर्जुन कुमाल र सन्दीप जोराको उत्कृष्ट साझेदारीमा नेपाल खेलमा फर्किएको हो । ताजा अवस्थामा नेपालले २३ ओभरमा २ विकेट गुमाएर ११३ रन जोडेको छ । नेपालको क्रिजमा रहेका जोरा ६६ र कुमाल ३६ रनमा खेलिरहको छन् ।
