राष्ट्रिय महिला फुटबल टोलीका मिडफिल्डरद्वय सविता राना मगर र प्रिती राईलाई आशिका फाउन्डेसनले शनिबार नगदसहित सम्मान गरेको छ।
साउदी अरेबियामा गत साता भएको वाफ च्याम्पियनसिपमा उच्च प्रर्दशन गरेकोमा फाउन्डेसनले सविता र प्रितीलाई समान ५० हजार रुपैयाँसहित सम्मान गरेको हो।
समूह चरण, सेमिफाइनल र फाइनलमा पहिलो रोजाईमा खेलेकी प्रितीले १ गोल गरेकी थिइन् । जोर्डन विरुद्धको फाइनलमा पहिलो रोजाईमा परेकी सविताले टोलीका लागि पहिलो गोल गरेकी थिइन्।
सोही फाइनल खेल्ने क्रममा घाइते भएकी प्रितीको घुँडाको यसै साता शल्यक्रिया भएको थियो। फाइनलको निर्धारित समयमा २-२ को बराबरी पछि पेनाल्टी सुटआउटमा जोर्डनले नेपाललाई ५-३ ले हराएको थियो।
