एजेन्सी । इन्डियन प्रिमियर लिग (आईपिएल) मा राजस्थान रोयल्स पञ्जाब किंग्ससँग पराजित भएको छ।
गएराति भएको खेलमा अंक तालिकाको दोस्रो स्थानमा रहेको राजस्थान पञ्जाबसँग ५ विकेटले पराजित भएको हो ।
राजस्थानले दिएको १४५ रनको लक्ष्य पञ्जाबले १८.५ ओभर खेलेर ५ विकेटको क्षतिमा पूरा गर्यो। पहिले ब्याटिङ गरेको राजस्थानले ९ विकेट गुमाएर १४४ रन बनाएको थियो।
राजस्थान र पञ्जाब दुवै टिमले लिग चरणमा थप एक खेल खेल्न बाँकी छ।
१६ अंक बनाएर दोस्रो स्थानमा रहेको राजस्थानको प्लेअफ सम्भावना बलियो छ भने १० अंक बनाएर नवौं स्थानमा रहेको पञ्जाबको प्लेअफ सम्भावना सकिएको छ।
